وكالات//

اكتشفو علماء من جامعة أديلايد واحد النوع نادر ديال الدبابير، واللي هو الأول من نوعو اللي متأقلم يعيش فالظلام الحالك، حيث ماعندوش عوينات نهائياً، وعندو جناحات صغار بزاف، ورجليه وقرون الاستشعار ديالو طوال، كيعونو باش يتحرك وسط الكهوف اللي فيها ظروف صعيبة.

لقاو هاد الدبور داخل واحد الكهف ف سهل نولاربور ف أستراليا، وسط بقايا محنطة ديال العناكب، والصراصير، وحشرات خرا.

ووضح الفريق العلمي، حسب ما جا فـ”science.mail”، أن هاد التغييرات ف شكلو كتمثل تطور عميق اللي خلا هاد الحشرة تقدر تعيش فالظلام الكامل.

وصرّح الدكتور جيس مارش، أن الظروف الجافة اللي كاينة ف داك الكهف، ساهمات ف الحفاظ على جثث الحشرات واللافقاريات فحالة مزيانة، ورجّح أن هاد الحشرات ممكن يكونو ماتو من عقود أو حتى آلاف السنين.