كود – وكالات//

استندت نتائج دراسة شملت أكثر من 1000 مشارك، حيث طلبو منهم الباحثين يعطيوهم الماكلة والنكهات اللي كيعجبوهم، ودارو للمشاركين سلسلة ديال اختبارات الشخصية باش يقيسو الصفات ديال الشخصية اللي فيها شي ميول معادية للمجتمع، بحال السادية والنرجسية والمشاكل النفسية.

ووضحات الدراسة، اللي داروها باحثين من جامعة “إنسبروك” فالنمسا، أن تفضيل النكهات المرّة بلا سكر والقاصحة مرتبط بسلوك عندو علاقة بالاعتلال النفسي، وزادو باللي أكبر رابط كان بين الأكل المرّ و”السادية اليومية”، يعني الاستمتاع بالعنف وبالاحساس بالألم عند الآخرين .

وزادو الباحثين وقالو أن القهوة السوداء ماشي هي بوحدها اللي مرتبطة بالميول السادي أو النفسي، لاحظو حتى المشاركين اللي قالو أنهم كيعجبهم الكرافس والفجل بينات عليهم حتى هوما عندهم صفات كتميل للسادية.
ومن جهة أخرى، دراسة سابقة صادرة عن “الجمعية الأوروبية لطب القلب” قالت أن شرب القهوة بكثرة ممكن ينقص خطر الموت، وذكرت، حسب الموقع الأمريكي “نيوز دايلي”، أن شرب أربع كيسان ديال القهوة فالنهار يقدر يهبّط خطر الموت بنسبة تقريباً 64 فالمية.