وكالات//

بدات محاكمة فرملية في بريطانيا بتهمة قتل سبعة ديال الوليدات ومحاولة قتل عشرة آخرين بعدما كتمنعهم ياخدو الدوا ديالهم في السبيطار لي خدامة فيه.

لوسي ليتبي لي فعمرها 32 عام كانت كتقصد لاشومبر لي فيها الدراري للي عاد تزادو في سبيطار كونتيسة تشيستر، وتدير الأفعال ديالها، والأطباء اكتشفو أن حالة ديالهم بدات كتدهور بدون أسباب واضحة.

الفرملية متهمة بسبعة ديال جرائم القتل و15 محاولة قتل 17 طفل وطفلة في الفترة لي خدمات فيها في السبيطار.

وكانت هاد الفرملية كتضرب لبرا عامرة بالهواء في العرق ولا التيو ديال النيف ديال الدراري يلاه تزادو، وآخرين كانت كتشربهم السوائل بحال الحليب المسمم بالأنسولين.