الرئيسية > كود-تيفي > كتزيد تغرق راسها.. أول تعليق ديال زينة الداودية على تصريحها فالسعودية فاش قالت: ولادكم عندنا وبناتنا عندكم – فيديو
27/01/2020 16:00 كود-تيفي

كتزيد تغرق راسها.. أول تعليق ديال زينة الداودية على تصريحها فالسعودية فاش قالت: ولادكم عندنا وبناتنا عندكم – فيديو

كتزيد تغرق راسها.. أول تعليق ديال زينة الداودية على تصريحها فالسعودية فاش قالت: ولادكم عندنا وبناتنا عندكم – فيديو

نجوى المالحي-كود//

المغنية الشعبية زينة الداودية عوراتها هاد السيمانة ملي كانت في الرياض وقالت للجمهور السعودي “ولادكم عندنا وبناتنا عندكم”، وهادشي لي جر عليها انتقادات كبيرة بزاف، وكولشي فهم من كلامها أن بنات المغرب كيمشيو للسعودية من أجل ممارسة الدعارة، ورجال السعودية كايجيو للمغرب باش يقصرو معاهم.

الداودية دارت البارح الأحد بوسط في ستوري الانستكَرام كتقول فيه نفس الكلام ملي كانت في الجزائر وهادشي فسراتو بأنه عادي وماقاصدة منو والو.

الفيديو لي حطاتو واحدة من المعجبات كتبات عليه “كانت قالتها حتال الجيران يعني مقصدات والو. عادي”. والداودية لي عاودات بارطاجات الفيديو كتبات “الحقيقة في دقيقة”.

وكان المسؤول الإعلامي ديال الداودية، أكد لـ “كود” في اتصال سابق أن الداودية ماقصداتش أي إساءة.

وهاد الحالة ناضت عليها مباشرة بعدما خرجات أغنية “سلمان الحزم” اللي غنات فيها على الملك السعودي وبزاف ديال الناس انتاقدوها عليها.

موضوعات أخرى