كود -وكالات//

بينات معطيات خارجة من المجلس العالمي للذهب أن الهند من أكبر الدول المرتبطة بالذهب، وغير العيالات الهنديات عندهم  11% ديال مجموع الذهب فالعالم، بقيمة كتسوا 950 مليار دولار.

وكيبان هاد الارتباط بشكل كبير فالتقاليد الاجتماعية، خصوصاً فالأعراس، اللي كتوصل حتى ل 20 مليون عرس سنوياً، حتى فالمجال الديني الدهب عندو حضور قوي، حيت فالهندوسية الذهب كيتعتبر رمز مقدس ومرتبط بالبركة والازدهار، بحال معبد بادمانابهاسوامي اللي كيتصنف كأغنى معبد فالعالم، وفيه كميات كبيرة من الذهب كتقدر بآلاف الأطنان، عاد كنوز تاريخية غابرة .

المعطيات كتشير  أن الهند عندها  22 ألف طن من الذهب فملكية خاصة، جزء كبير منها موجود فالمعابد،هاد الرقم كيتفوق على احتياطات دول كبرى بحال مريكان، سويسرا وألمانيا مجتمعين.

اقتصادياً، كتُعتبر الهند من أكبر مستهلكي الذهب فالعالم، مع طلب يومي مهم، خصوصاً فمواسم دينية بحال ديوالي، اللي كيرتفع فيها الإقبال على شراء المجوهرات بشكل كبير.

وخا هاد الثروة الكبيرة من الذهب,مزال الوضع الاقتصادي والاجتماعي العام فالهند كيعاني من  تفاوتات كبيرة بين الفئات لي كيكونو المجتمع.