وكالات//
خطفات العراقية شيلان كمال الأنظار ليها بعدما ختارت تمارس رياضة كمال الأجسام، والهدف هو تشجع على المساواة بين الجنسين.
السيدة عندها اليوم 46 عام وقالت أنها ملي كانت كتعجن مع الوالدة ديالها كانت كتحس بالعضلات ديال يديها كيتحركو، وهنا كتاشفات الحب ديالها لهاد الرياضة.
وقالت “العضلات مزيانة للنساء، بغينا نبينو الزين ديالن من خلال تنمية عضلاتنا”. شيلان هي متخصصة في التغذية عاشت في ألمانيا قبل ما ترجع تستقر في عاصمة إقليم كردستان العراق.
معايير الجمال ديال المرأة في العراق مختلفة على ألمانيا، وبغات اليوم الناس ميحكَروهاش، حيت هي ضربات تمارة باش توصل للشكل لي هي ختارت وبغات.