وكالات//
واخا عندها 55 عام، مزال النجمة الميريكانية ونجمة “البوب” ماريا كاري كتسحر الجمهور ديالها باللوك ديالها الواعر، ولي كاتبان فيه ديما صغيرة وزوينة.
بزاف ديال التقارير الصحفية الميريكانية، ديما كتطرح هاد السؤال وكتقول علاش ماريا كاري كتبان صغيرة ورشيقة واخا وصلات لهاد العمر الكبير.
الجواب هاد المرة جا على لسان النجمة الميريكانية نيت، ولي قالت إن هادشي مكانش صدفة وإنما مخططة ليه.
وقالت كاري في تصريحات صحفية إنها كتجبر راسها على واحد الروتين يومي قاسح بزاف، وهو لي خلاها تبان صغيرة ورشيقة.
وقالت النجمة الميريكانية إنها ماكترهقش راسها في السفريات ديالها وكتميل للباسطة ومكتعرضش راسها للإضاءة العالية، وزادت أكدات أن النظام الغذائي ديالها بسيط وكيركز على الحوت ديال السلمون لي كيجي من النرويج.