وكالات//

رجعات بيانكا سينسوري، مراة مغني الراب الأمريكي كاني ويست، رجعات للواجهة ديال الجدل من جديد، من بعد ما نشرت تصاور جريئة فـ حسابها على “إنستغرام”، واللي خلات بزاف ديال الناس يكعاو ويستنكرُو.

فـ التصاور اللي نزلاتهم نهار 27 ماي، بانَت بيانكا، اللي عندها 30 عام، لابسة لبسة شفافة كاملة مصنوعة من الشيفون، وما كتبت حتى تعليق، غير خلات الإطلالة اللي بزاف وصفوها بـ”الصادمة” و”ماشي لائقة”.

هاد اللوك اللي زادت عليه صبّاط فضي بكعب عالي، جاب ليها انتقادات كثيرة من المتابعين ديالها، اللي عددهم قراب لـ500 ألف واحد.

والآراء تقسمو، كاين اللي دافع عليها وقال بلي عندها الحق فالتعبير الفني والحرية الشخصية، وكاين اللي طالب يحاسبوها قانونياً، وكيشوفو أن الظهور بهاد الشكل فالسوشيال ميديا خرق صريح للآداب العامة.