الرئيسية > كود سبور > كبرها تصغار: الشيبي والمحامي ديالو غيمشيو للفيفا يدعيو الاتحاد المصري بسبب قضية الشحات وضغوطات الاهلي
02/04/2024 20:00 كود سبور

كبرها تصغار: الشيبي والمحامي ديالو غيمشيو للفيفا يدعيو الاتحاد المصري بسبب قضية الشحات وضغوطات الاهلي

كبرها تصغار: الشيبي والمحامي ديالو غيمشيو للفيفا يدعيو الاتحاد المصري بسبب قضية الشحات وضغوطات الاهلي

كود سبور//

قرر الدولي المغربي محمد الشيبي لاعب بيراميدز المصري يمشي للاتحاد الدولي لكرة القدم، باش يدافع على الحقوق ديالو حيث بان له الحق ديالو ما غيخدوش فقضية الاعتداء اللي تعرض له من لاعب الاهلي حسين الشحات، وغيتظلم من طرف الاتحاد المصري لكرة القدم، اللي كيتعرض لضغوطات قوية من طرف الاهلي فهاد القضية باش يقلبوها على اللاعب المغربي اللي لجأ للسلطات المصرية حيث الشحات ضربو بتصرفيقة وعيرو هو والام ديالو وهذا الشي شداتو الكاميرات وكلشي العالم تفرج فيها.

وخرج محامي محمد الشيبي لاعب بيراميدز قبل لحظات ببيان رد فيه بقوة على بيان خرجوه الاهلي صباح اليوم كيضغطو فيه على الاتحاد المصري باش يعاقب اللاعب المغربي حيث دار شكاية بالشحات عن القضاء المصري، وأكد هاني بكري المستشار القانوني لمحمد الشيبي أن الأخير غيدير خطوات قانونية اخرى باش يحافظ على الحقوق ديالو، فالقضية ضد حسين الشحات لاعب الأهلي.

وأكد محامي محمد الشيبي أن اللاعب المغربي ما غيتنزالش على الحقوق ديالو وغيدير جميع الإجراءات القانونية اللازمة باش يدافع على راسو، وغيوصل القضية حتى الجهات القضائية الدولية، بما فيها لجنة الانضباط بالاتحاد الدولي لكرة القدم، باش يشكي اتحاد الكرة المصري لحماية اللاعب من الضغوط والممارسات اللي كيتعرض لها.

موضوعات أخرى

25/04/2024 05:00

مصر عايشين فالقرون الوسطى كثر منا.. النيابة العامة ديالهم شدات بلوكَوز مشهورة بسباب فيديوهات “خادشة للحياء”

25/04/2024 04:00

مرات نتنياهو دارت الفوتوشوب باش تبان صغيرة.. تصويرة على موقع “إكس” حولاتها مسخرة على مواقع التواصل

25/04/2024 03:00

ميريكان حكمات على مصممة أزياء مشهورة بعام ونص ديال الحبس.. كتصدر جلود ديال التماسيح واللفاعي

25/04/2024 00:00

لا تيتي لا حب لملوك: اتحاد العاصمة دارو ريوسهم فالكابرانات وتقصاو حتى من كأس الجزائر