كود سبور//
وافق الاتحاد الإفريقي لكرة القدم، على اجراء روتور فينال كاس الكونفدرالية بين نهضة بركان وسيمبا التنزاني بدار السلام عاصمة تنزانيا.
وبعدما كانت شكوك بخصوص جاهزية عشب تيران ماكابا ستاديوم لاستقبال روتور فينال كاس الكونفدرالية الأفريقية، ودارت لجنة من الاتحاد الافريقي زيارة للتيران، تقرر اجراء الماتش فيه بين نهضة بركان وسيمبا، وهذا الشي يوم 25 نتي 2025.
وديما مع الفينال بين نهضة بركان وسيمبا التنزاني، وبخصوص ماتش الذهاب، قرر الفريق التنزاني يشد الطيارة غدا الثلاثاء للمغرب باش يلعب ضد النهضة البركانية لالي د الفينال يوم السبت الجاي 17 ماي 2025.
وكاين دعم كبير لسيمبا التنزاني فبلادو، والحكومة التنزانية وحتى رئيسة تنزانيا دارو تحفيزات مالية كبيرة للفريق، ومقدمين دعم كبير له باش يربح الكاس، واخا المهمة ديالو كاتبان صعيبة بزاف قدام نهضة بركان الفريق المتمرس فالمسابقة، واللي هو المشرح للتتويج بها قبل گاعما تبدا، واكد انه الأوفر حظاً باش يربح لاكوب من خلال المسار ديالو القوي فالبطولة.
