الرئيسية > كود-تيفي > كاين اللي بين الجبال وكاين اللي منو للبحر.. ها لاليست ديال أخطر المطارات فالعالم – فيديوهات
21/01/2022 03:00 كود-تيفي

كاين اللي بين الجبال وكاين اللي منو للبحر.. ها لاليست ديال أخطر المطارات فالعالم – فيديوهات

كاين اللي بين الجبال وكاين اللي منو للبحر.. ها لاليست ديال أخطر المطارات فالعالم – فيديوهات

وكالات //

بزاف من الناس كتشدهم الخلعة ملي كيكونو مسافرين فالطيارة فالوقيتة فاش كتبغي تهبط (لاتيريساج)، لكن هاد الخلعة كتولي مضوبلة ملي المطارات كتكون وسط الجبال أو قريبة من البحر وحتى اللي المدرج ديالهم كيكون قصير وضيق بزاف.

وها ليستة ديال بعض المطارات اللي يقدر الواحد يعيش فيها هاد الإحساس بالخلعة:

– مطار لوكلا (Lukla Airport) و المعروف أيضا بمطار تينزينكَ هيلاري (Tenzing-Hillary) فالنيبال، كاين حدا جبل “إيڤرست” (سلسلة جبال الهيمالايا) وهو المطار الرئيسي لأي واحد باغي يطلع لهاد الجبل. جا وسط فيراجات خطيرة جدا، وإيلا البيلوط ماوقفش الطيارة فالحد المناسب يقدر يتلاح فالواد اللي فالمنطقة.

– مطار جوانشو إي يراوسكوين (Juancho E. Yrausquin Airport)، اللي كاين فجزيرة سابا (Saba) فالكاريبي (تابعة لهولندا)، الديكولاج فيه صعيب بزاف وكيوصل ليه غير البيلوط اللي معتمد والحرايفي فالضومين.

– مطار الأميرة جوليانا الدولي (Princess Juliana International Airport)، كاين فشاطئ “ماهو” (Maho) فالطرف الهولندي من جزيرة سان مارتن (Saint-Martin) فالأنتيل (Antilles)، والطيارات كيكونو قراب بزاف للما وكيدوز قراب فوق ريوس الناس اللي كيتبرونزاو فلاپلاج.

– مطار جيسبورن نواحي نيوزيلندا (Gisborne-Awapuni Regional Airport)، وسط المدرج ديالو كيدوز التران وخاص ضروري التركيز دائما على احترام التوقيت و التنسيق فهادشي باش ميتساطحش مع الطيارات.

والمثير فالأمر أن المطارات اللي لاتيريساج كيكون فيها خطير ماكانتش فخريطة حوادث الطيران العالمية اللي سجلات 500 هبوط طارئ و20 طيارة تحطمات فالعالم. حيث كلشي كيكون راد البال بزاف وكيضوبل الخدمة ماشي بحال فمطار عادي.

موضوعات أخرى