كود القاهرة ///

فضايح وفد شوه الصحافة وخدم باسمهم واخا هما ماشي صحافة وما عندهمش البطاقة المهنية. بعد الفضيجة لكبيرة فاول ماتش بين المغرب وناميبيا اللي ضاربو فيها شي وحدين قالو صحافيين مغاربة مع المنظمين وبعد ما قدم واحد ماشي صحافي مهني وما عندو علاقة بالمهنة وفق القانون المغربي وقدم راسو رئيس الوفد٬ جا الدور على معلم وصل للقاهرة وخدا اعتماد الكاف باش يغطي الكان واخا ما عندوش البطاقة المهنية.

اسمه باعقيل ومهنته معلم ديال الرياضة. كان مراسل يومية محترمة شي فترة قبل ما تحبس معاه. هادا تضارب مع مشجع فماتش المغرب ضد جنوب افريقيا وقلبوها كروشيات فالبلاصة المخصصة للمشجعين. اييه شوفو تصاور.

وزارة الاتصال قالت غادية تحاكم هادوك المنتحلين صفة صحافي والنيابة العامة دارت بيان فنفس الاتجاه ودابا يتسناو قدام الطيارة باش يوصلو من مصر اللي ماشي صحافي ومشى بهاد الصفة خاصو يتشد. المجلس الوطني للصحافة خاصو يدخل بحالو بحال جميع الهيئات المهنية والنقابية.

خاص امزازي يحبس معلميه على هاد المهنة. اش هاد التسيب