الرئيسية > آش واقع > كاينين اللي تشردو وكاين اللي ماحصلش على ورقة التنقل الاستثنائي وخرج وتشد.. حقوقيون كيطالبو السلطات بتعليق قانون إقامة الأجانب والهجرة غير الشرعية بشكل مؤقت فزمان كورونا
30/04/2020 08:00 آش واقع

كاينين اللي تشردو وكاين اللي ماحصلش على ورقة التنقل الاستثنائي وخرج وتشد.. حقوقيون كيطالبو السلطات بتعليق قانون إقامة الأجانب والهجرة غير الشرعية بشكل مؤقت فزمان كورونا

كاينين اللي تشردو وكاين اللي ماحصلش على ورقة التنقل الاستثنائي وخرج وتشد.. حقوقيون كيطالبو السلطات بتعليق قانون إقامة الأجانب والهجرة غير الشرعية بشكل مؤقت فزمان كورونا

عفراء علوي محمدي- كود//

طالبات مجموعة مناهضة العنصرية والدفاع عن حقوق الأجانب (GADEM) بتعليق مقتضيات القانون 03 -02 اللي كيتعلق بدخول وإقامة الأجانب فالمغرب وبالهجرة غير الشرعية، مؤقتا، على ما تدوز هذ الفترة ديال الحجر الصحي، لدواعي إنسانية.

كيف طالبات المجموعة، فبلاغ ليها توصلات بيه “كود”، السلطات باش تعطي اهتمام أكبر لهذ الناس اللي كيسكنو فالمغرب، واللي كيستحقو الحماية والاهتمام بحال كَاع المواطنين، سوا كانو فالمغرب بطريقة قانونية او غير قانونية.

وقالت بللي الوضع الإداري للحراكَة ما عندو حتى تأثير على الصحة العامة، كيف وصات السلطات باش تكون برامج الدعم متاحة للجميع، بغض النظر عن الوضعية الإدارية للأشحاص.

ووصات المجموعة باش تكون برامج الدعم اللي وضعتها الحكومة متاحة للجميع، بغض النظر على الوضعية الإدارية دالأشخاص، ودعات السلطات باش تحمي المواطنين اللي ماشي مغاربة من اي نتهاك كيمس كرامتهم الإنسانية.

وكحالات لهذ المهاجرين اللي كيعيشو التهميش والإقصاء، أكدات المجموعة بللي تلقات مكالمات ديال مجموعة من المهاجرين اللي تطردو من محل سكناهم بشكل غير قانوني، واخا كاين الحجر الصحي، فقط لأنهم ماشي مغاربة، وخافوهم لا ينشرو عدوى فيروس كورونا، وعلى هذشي دعات السلطات باش تحميهم من التشرد.

وتلقات المجموعة كذلك شهادات ديال مهاجرين ماعندهمش التصريح الاستثنائي للتنقل، بسبب رفض وضعيتهم الإدارية، وهذشي كيادي لاعتقال بعضهم لأنهم كيتعتبرو خارقين لحالة الطوارئ الصحية.

موضوعات أخرى

28/03/2024 09:00

محكمة فالصبليون برأت المتهمين فقضية لكسيدة اللي ماتو فيها 8 ديال المغاربة ف اسبانيا عام 2008

28/03/2024 07:00

سمية الخشاب دخلات طول وعرض فبرنامج الكاميرا الخافية ديال رامز جلال: هادي جريمة كيعاقب عليها القانون

28/03/2024 03:00

السروال ديال مقدم برنامج بريطاني داير أزمة فكوريا الجنوبية.. ها شنو دارت القناة ديالهم- فيديو

28/03/2024 02:00

مصور عندو 71 عام اتاهم الوالد ديال تايلور سويفت أنه تعدا عليه بالضرب ملي كان كيصورها