گود سبور//

واصل الدولي المغربي يوسف النصري التألق مع فنربخشة التركي، وربح الفريق ديالو ماتش البارح الاحد على هاتاي سبور برسم الجولة 18 من البطولة التركية.

وسالا الماتش بين فنربخشة وهاتاي سبور بنتيجة 2 لوحد، لمصلحة يوسف النصيري وصحابو، وماركا النجم المغربي العدفين ديال الرباح فالدقيقة 16 والدقيقة 45، مع العلم ان الماتش شارك فيه ايضا من جهة فنربخشة المغربي الاخر سفيان أمرابط تحت قيادة المدرب البرتغالي جوزي مورينيو.

وبهاد الـ2 بيوتا اللي ماركا يوسف النصيري فهذا الماتش، رفع الرصيد ديالو من الاهداف فبطولة تركيا هذا الموسم إلى 8 اهداف، وفنربخشة محتلين دابا المركز الثاني برصيد 39 نقطة ورا گلطة السراي المتصدرين بـ47 نقطة.