كود سبور//

تألق الدولي المغربي حمزة إگمان مع گلاسكو رينجرز الاسكتلنديّ، وعتقهم من الخسارة مع ماذرويل، اليوم الأحد برسم الدورة 20.

وقدر حمزة إگمان يماركي 2 أهداف لگلاسكو رينجرز اللي كانوا خاسرين مع ماذرويل، واخا كان احتياطي فالماتش وما دخل حتى للشوط الثاني، فين ماركا هدف أول قلص به الفارق فالدقيقة 50، ورجع ماركا هدف التعادل لگلاسكو رينجرز فالدقيقة 68، وبهذه النتيجة رفعو صحاب إگمان رصيدهم إلى 36 نقطة، محتلين المركز الثاني فبطولة أسكتلندا.

وتألق حمزة إگمان بشكل واضح مع گلاسكو رينجرز الأسكتلندي، ملي انتقل عندهم فالصيف الماضي جاي من فريق الجيش الملكي، وبالمستوى اللي كايقدم راه كايدق على الناخب الوطني وليد الركراكي باش يعيط له للمنتخب المغربي ويعطيه الفرصة ديالو فهجوم الأسود.