سامي العلوي -گود كازا //
كشفات مصادر “كود” تفاصيل قصة زودياگ وقفوه في شاطئ بوزنيقة، بحيث أن آخر المعطيات كتقول بللي هاد الزودياگ لي خرج من بحر الواليدية مع الوحدة ديال النهار البارح كان هربان من مطاردة ديال البحرية الملكية.
المصدر ديال “كود ” قال بللي هاد الزودياگ بقى هربان من المطاردة ديال لامارين روايال حتى سالا ليه المازوط وحصل فبوزنيقة وكانو فيه ستة ديال المواطنين من الصبليون واللي تشدو فيهم ثلاثة راهم كيحققو معهم عناصر الدرك الملكي فالمركز القضائي ديال بوزنيقة وثلاثة مزال كيقلبو عليهم.
وعلى حسب مصادر “گود” فلونكيط اللي فتحتها عناصر الدرك بينات أن هاد الزودياگ يشتبه في كونو كيتستعمل فالتهريب الدولي ديال المخدرات.
