وكالات//

مات واحد المراهق نمساوي موتة خايبة، وهو كيحاول يصور فيديو خطير بزاف فوق واحد التران، باش يجيب أكبر عدد من المشاهدات على الكونط ديالو على “تيك توك”.

وطلع هاد المراهق هو و4 ديال صحابو فوق واحد التران، ولكن مردش البال وهو يضرب راسو مع قنطرة ديال الراجلين، وهوما يهزوه للسبيطار في حالة خطيرة.

وقالت تقارير صحفية بللي الشاب مقدرش يقاوم ومات في السبيطار بسبب الجروح الخطيرة لي تصاب بها، والـ4 لخرين تعرضوا لإصابات متفاوتة الخطورة.

ولي كعا الناس بزاف هو أن صحابو لي كانو كيصورو بقاو كيصورو واخا الإصابة الخطيرة ديال صاحبهم.