وكالات//

المنتج السينمائي هارفي واينستين، اللي عندو دابا 73 عام، تحكم عليه بالإدانة فـ قضية الاعتداء الجنسي على وحدة خدامة فالإنتاج سميتها ميريام هالي، فشقة ديالو فنيويورك عام 2006.

لكن المحكمة برّاتُو من تهمة أخرى كاتهماتو بيها عارضة الأزياء كاجا سوكولا، اللي قالت أن الاعتداء وقع ف نفس العام.

مازال هيئة المحلفين كتناقش القضية الثالثة، اللي فيها تهمة باغتصاب ممثلة سميتها جيسيكا مان في فندق فـ نيويورك فـ 2013، وكان مقرر يكملو المداولات الخميس 12 يونيو.

فوسط المحاكمة، طرا مشكل بين المحلفين، بحيث الرئيس ديالهوم قال للقاضي أن شي واحد من المحلفين هدد الآخرين وقال ليهم: “غادي نلقاكم برا شي نهار”، وهادشي خلا محامي واينستين يطلب يبطل المحاكمة، ولكن القاضي رفض.

واينستين كان واجه بزاف ديال التهم من نساء كيتهموه بالتحرش والاعتداء، والفضيحة ديالو فـ 2017 كانت السبب فإطلاق حركة #MeToo العالمية.