الرئيسية > تبركيك > كان قنصل فكازا سابقا.. السفير الطالياني فالكونكَو تغتال ومراتو المغربية فلتات من الموت – تصويرة
22/02/2021 23:00 تبركيك

كان قنصل فكازا سابقا.. السفير الطالياني فالكونكَو تغتال ومراتو المغربية فلتات من الموت – تصويرة

كان قنصل فكازا سابقا.. السفير الطالياني فالكونكَو تغتال ومراتو المغربية فلتات من الموت – تصويرة

كود – وكالات//

تقتل السفير الإيطالي بجمهورية الكونكَو الديمقراطية، لوكا أتنازيو، اليوم الاثنين فالصباح، إثر هجوم مسلح بالقرطاس تعرض ليه الموكب ديالو، وتغتال فيه هو وجوج من اتباعو، واحد مرافق ليه والثاني من الشرطة العسكرية.

وحسب بيان لوزارة الخارجية الطليانية، السفير تعرض الاغتيال خلال مشاركتو فنشاط دبرنامج الأغذية العالمية برعاية الأمم المتحدة، وداز الموكب ديالو قريب لمنطقة كَوما.

ومرات السفير المغربية، زكية الصديقي، اللي كترأس جمعية مختصة فالعمل الإنساني، منعات من هذ الاغتيال، بحيث مارفقاتش راجلها هذ المرة، واخا مولفة كتخرج معاه فمجموعة من الأنشطة اللي كيدير.


وعلنات جمهورية الكونكَو على فتح تحقيق فهذ الهجوم، بحيث بدا الجيش كيدير حملة باش يقلب على ليزانديس اللي غيوصلوه لمنفذي هذ الاغتيال، اللي لحد الساعة مامعروفينش، بحيث هربو فالبلاصة فاش نفذو الخطة ديالهم.

وكان قال السفير مؤخرا للصحافة أن حياتو هو ومراتو ووليداتو بثلاثة مهددة.

وكان لوكا أتنازيو كيشغل منصب القنصل الوصي فالقنصلية الإيطالية فكازا، وتماك فاش تعرف على مراتو زكية اللي عندو معها 3 ديال البنات.

موضوعات أخرى

27/02/2021 15:00

انا فان ديال ولد الشرقي لي اثبت بالملموس انه بلا بكا بلا شكا بلا فلوس الدعم ديال وزارة الثقافة بلا فلوس السي سي ام ! و بكلبة و موطور و سطح رايب يقدر الانسان لاكان باغي يمثل يدير فيلم قصير و يضرب بيه ملايين المشاهدات فيوتوب !

27/02/2021 14:30

ها آش كيقول الدستور على استقالة الوزراء وعلاش الاستقالة اللي قدمها الرميد وتراجع عليها من بعد شدات اهتمام السياسيين والاعلاميين؟

27/02/2021 14:00

قتل الكوافور الخاص ديال حكيم زياش بالقرطاس منوض روينة فأمستردام.. و وسائل إعلام: كاين احتمال يستدعيو اللعاب المغربي للمحكمة

27/02/2021 13:30

مريدة أستاذ القانون الدستوري لـ”كَود”: ها علاش النقاش حول استقالة الرميد سابقة فالمغرب وراه ماعندها علاقة بالتضامن الحكومي

27/02/2021 13:20

العلاقات بين الرباط و نواكشوط.. فوج من مندوبية الحماية المدنية الموريتانية غايستافد من تجربة الوقاية المدنية المغربية فتدريب لمدة شهرين