كود– وكالات//

فـ2001، كانت بريتني سبيرز عندها غير 19 عام، ولكن كانت واصلة لقمة الشهرة العالمية، وفواحد الليلة فـحفل جوائز MTV للفيديو كليب فـنيويورك، قررات تدير عرض ماشي بحال أي عرض آخر، مني قدمات لأول مرة أغنيتها «I’m a Slave 4 U» قدّام الجمهور.

بريتني خرجات من قفز معدني مطلي بالذهب، وموراها نمر بيض حي، مني كانت لابسة «توب» خضر وشورت قصير مع بوت طويل بلون النيود ومعها الراقصين لابسين ستيل جاي من الحيوانات، بنقوش بحال جلد الحمار الوحشي وشعر مستعار بألوان نيون.

ولكن اللحظة اللي ولات أيقونية جات فآخر العرض، ملي هزات بريتني فوق كتافها لفعى «بايثون بورمية ألبينو» طولها تقريباً جوج متر وازنة 9 كيلوغرامات.

بريتني كانت مسمياها «بانانا»، ومن داك النهار ولات صورة المغنية وهي شاداها وحدة من أشهر الصور فـتاريخ عروض البوب.

الإطلالة ديال بريتني صممها كورت سوانسون وبارت مولر، المعروفين باسم «كورت وبارت»، وكان الإلهام ديالهم هو «إلهة الغابة». التوب والشورت كانو مزوقين بشرائط الشيفون، والبوت فيه الكريستال ديال سواروفسكي، وحتى جلد بريتني تزين بأحجار سواروفسكي على شكل وشوم مؤقتة. وكانو مأنسبيريين فالألوان من البخوش والغابة والطيور الاستوائية، بالأخضر والفيروزي والفوشيا والأصفر الفاقع.

حتى المسرح تصمم بنفس الروح، حيث كاينين أقفاص معدنية كبار دايرين ببريتني والراقصين، وصممهم راي وينكلر من شركة «STUFISH Entertainment  Architects». ولكن النمر ماكانش الوسط فالمخطط الأصلي.