وكالات//

تعرّض الفنان ماجد المهندس لوعكة صحية وهو كيدير مناسك الحج، وتهز للسبيطار باش يدير الفحوصات ويتلقى العلاج، والسبب كان هو الإرهاق الكبير.

شركة روتانا وقفات معاه، ونشرت فـ إنستغرام صورة ليه وكتبت: “ماجد المهندس أجر وعافية، كل الحب والتقدير للفنان الخلوق اللي تعرض لوعكة صحية دخل بسببها للمستشفى”.

وزادو فالتعليق:” أسرة روتانا كتتمنى الشفاء العاجل لصوت الحب، النجم الخلوق ماجد المهندس. عسى تكون أجر وعافية، والله يديم عليك الصحة”.

ورغم أنه ما كايناش تفاصيل دقيقة على نوع المرض، الجمهور ديالو تفاعل بزاف مع الخبر، وكلشي كيدعي ليه بالشفاء.

آخر مرة بان فيها كانت صور ديالو وهو لابس لباس الإحرام، كيدير الحج مع طاقم العمل ديالو وشي أصدقاء مقربين.