وكالات//

نتاشر واحد الفيديو خايب بزاف جاي من ميريكان ديال واحد الكسيدة تسبب فيها سائق متهور ماعندو حتى 22 عام فعمرو، وسحق فيها مراة كبيرة وبنتها كانو قاطعين الطريق.

كيبين الفيديو اللحظة لي كان عافط فيها الشيفور بسرعة ديال الحماق وسط الشارع وهو حارك الضو الحمر وشوية هو يسحق المراة وبنتها لي كانو قاطعين الشارع.

https://twitter.com/NewsNow4USA/status/1762218097677594978

على حساب ماقالت الصحافة ديال ميريكان، فالبوليس شدو الشيفور لي سميتو “هاندرسون” وتاهموه دابا بالقتل غير العمد.

لي ماتو ف الكسيدا هما امراة سميتها لاتيتشا براسيرو عندها 42 عام وبنتها أليسا كوردوفا عندها 21 عام وكانو جايين من حفل مويسقي في شيكاغو.