الرئيسية > كود-تيفي > كان طانز صدق جاب الربحة.. يوناني كتسناه 10 سنين ديال الحبس بعدما تعدى على مشة – فيديو
05/05/2022 04:00 كود-تيفي

كان طانز صدق جاب الربحة.. يوناني كتسناه 10 سنين ديال الحبس بعدما تعدى على مشة – فيديو

كان طانز صدق جاب الربحة.. يوناني كتسناه 10 سنين ديال الحبس بعدما تعدى على مشة – فيديو

وكالات //

كيواجه شاب يوناني عقوبة حبسية لمدة 10 سنين وخطية واصلة ل50 ألف أورو، بعدما نصب فخ لمشة وركلها فالبحر مللي كان فريسطو.

المقطع ديال الحادثة اللي تصور كيبين شخص كَالس وسط ريسطو كيقصي الحوت مع راسو فجزيرة “Evia”، وبغا يطلعها على المشاش اللي ضايرين بيه، وهز مورصو ديال الحوت وقربو للحافة ديال الطابلة، ومللي قربات ليه المشة ركلها ولاحها فالبحر.

اللي صور الفيديو من تحت الدف، حطو فالكونط ديالو في “أنستكَرام” كيقشب بيه، لكن المشهد انتاشر ووصل لجمعيات الرفق بالحيوانات اللي رفعات عليه دعوى قضائية بعدما تم التعرف على الهوية ديالو.

البوليس وصلو لللمتهم، وشدوه بموجب “قانون محلي كيحمي الحيوانات، وكيعتابر تعذيبها جناية، عقوبنها كتوصل ل10 سنين ديال الحبس مع غرامة مالية ب50 ألف أورو”، حسب ما ذكراتو جريدة “Kathimerini” الاقتصادية المحلية.

موضوعات أخرى

28/05/2022 20:20

المشاركين فمؤتمر “الأحرار” فالداخلة: كنفتاخرو بحكومتنا اللي دوزات غير 7 شهور ودايرة جهدها فمواجهة تداعيات أزمات كورونا والحرب فأوكرانيا – تصاور

28/05/2022 19:20

الغش فالامتحانات المدرسية.. “لابيجي” فوجدة حصلات شخص متلبس بترويج أجهزة لاسلكية كونطربوند وكارطات “VIP Pro” – تصويرة

28/05/2022 18:30

خطة المغرب لتصدير الهيدروجين الأخضر إلى أوروبا ما مفرشاش بالورد. دراسة هولندية كشفات أن تكاليف الإنتاج ديال الوقود غادي تكون أغلى 11 مرة من الغاز الطبيعي

28/05/2022 18:00

مدابزة خايبة بين جوج عائلات ففاس سالات بجريمة قتل.. قاضي التحقيق هبط اليوم 3 متهمين لحبس “بوركايز” والقتال فعمرو 77 عام