كود الجديدة//

سبق لكود نشرات خبر تكليف صحفي عندو لوسخ لتغطية الأنشطة الملكية لعيد العرش لهذه السنة بالفنيدق المضيق وتطوان ولي كان رسلو حميد ساعدني مدير الأخبار لعلاقته المشبوهة معه، ساعدني محشمش وعاود رسل نفس الصحفي لي كان مشدود بسبب الشيكات ولي ساعدني كان كيخلص عليه، رسلو لتغطية معرض الفرس بالجديدة ونهار كان ولي لعهد مولاي الحسن في حفل توزيع الجائزة الكبرى للفروسية السبت الفايت جاو ناس الامن الخاص بسيدنا وشدو الصحفي ح.ب وحققوا معاه بزاف ديال الوقت حسب مصادر كود وفي الاخير وجهوا ليه تحذير من الاقتراب لتغطية هاد الأنشطة مرة اخرى ونفس التحذير مشى لدوزيم وخاصة ساعدني لي مزال كيقتل في مديرية الأخبار خاصة من بعدما خدا التقاعد في يوليوز وبقى لاصق في سليم الشيخ.

وقد علمت كود أن هادشي ديال الجديدة خلى الرئيس المدير العام فيصل العرايشي يتقلق بزاف على سليم الشيخ من جهة على هاد شي لي طرا ومن جهة ثانية أنه مزال شاد ساعدني معاه في وقت غادي يتبدلوا جميع المسؤولين في القطب العمومي قريبا.

هادشي ديال لوسخ ديال دوزيم كيجي في وقت كتواصل فيه الفرقة الوطنية للشرطة القضائية الاستماع لعدد من المشتبه فيهم من المسؤولين بدوزيم فاق عددهم الثلاثين بتهم تبديد أموال عمومية وشبهات فساد مالي بأمر من قاضي التحقيق لدى استئنافية الدار البيضاء.