الرئيسية > كود سبور > كان رابط خاتم الزواج فـ السيور.. آندي موراي تشفر بعدما حط سبرديلتو تنشف من العرق – تصويرة و فيديو
09/10/2021 03:00 كود سبور

كان رابط خاتم الزواج فـ السيور.. آندي موراي تشفر بعدما حط سبرديلتو تنشف من العرق – تصويرة و فيديو

كان رابط خاتم الزواج فـ السيور.. آندي موراي تشفر بعدما حط سبرديلتو تنشف من العرق – تصويرة و فيديو

وكالات //

تعرض لاعب التنس البريطاني آندي موراي للسرقة بعدما شفرو ليه خاتم الزواج وسبرديلتو.

الحادثة وقعات نهار الخميس ملي كان السيد راجع من بطولة إنديانا ويلز، حيد سبرديلتو وخلاها تحت الطوموبيل على برا دلوطيل باش تنشف من العرق لكن فالصباح لقى غير البرد.

آندي داخ ملي تفكر أنه كان رابط خاتم الزواج في سبرديلتو، ودار بوسط في “أنستكَرام “كيطلب فيه اللي لقاه يرجعو ليه باش يعاونوه يرجع الأمور لمجاريها مع مراتو اللي كاعية على هادشي اللي وقع.

ومن بعد مشاركة المتتبعين ديالو لهاد القصة و للطلب ديالو، وبشكل مفاجئ، رجعو ليه سبرديلتو وخاتم العرس. أندي فرح بـ”المفاجأة” ولكن ماذكرش تفاصيل كثر على كيفاش عاود لقا السبرديلة و الخاتم.

و فالمقابل لاعب التنس البريطاني شكر كل من تعاون معاه خصوصا فـ البارطاج ديال الشي اللي وقع.

موضوعات أخرى

18/10/2021 12:20

بعد المصادقة على البرنامج الحكومي.. نقابة “البي جي دي”: فيه ضبابية مع غياب مؤشرات رقمية وخاص فتح حوار اجتماعي مركزي 

18/10/2021 11:30

كارثة جديدة بوزارة الصحة.. رئيس مؤسسة الأعمال الاجتماعية فالصحة لـ”الموظفين”: اللي باغي يدير السبور يمشي لفاس ومكناس وطنجة وفلوسكم ها شكون غايستفد منها – وثيقة

18/10/2021 10:30

أول امتحان للحكومة ..البرلمانيين معارفينش علاش تأجل تقديم مشروع ميزانية 2022: مصادر فسراتو بتعديلات جديدة على الميزانية والقصر اعترف باختلالالت فقطاع الصحة