اسماء غربي – كود //

كشفات تقارير إعلامية فرنساوية ، ان الرابور الفرنسي- المغربي يونس لاطيفي، المشهور بـ”مستر يو”، تشد فمطار باري-أورلي، وهو جاي يدوز العطلة فالمغرب مع ولدو.

مستر يو كان تحكم  فالاستئناف بالحبس 24 شهر، بتهمة الترويج فمواقع التواصل لنقظة لبيع المخدرات فڤيل جويڤ فمنطقة فال دو مارن.

وقال المحامي ديال مستر يو ان الرابور ماتوصل بحتى استدعاء من المحكمة، وكان مقرر يمشي يدوز الكونجي مع عائلتو فالمغرب قبل ما يشدوه البوليس فالمطار.

وكان مستر يو ف2019، نشر فيديو على حسابو فأنستگرام، من واحد المنطقة كيتباع فيها الحشيش، وهادشي تعتابر ترويج من طرفو للممنوعات.

https://www.leparisien.fr/faits-divers/le-rappeur-mister-you-interpelle-a-laeroport-dorly-alors-quil-partait-en-vacances-en-famille-25-07-2022-GSX6BZ5KOZE2DHKUE4PX42GKAI.php