وكالات//

مات واحد عندو 59 عام في ميريكان بعدما ضرباتو صاعقة خطيرة، في الوقت لي كان باغي يحذر شي دراري صغار من العاصفة.

على حساب ماقالت الصحافة ديال ميريكان فهاد لي سميتو باتريك ديسبوتو خرج من الطوموبيل ديالو لي وقفها حدا البلاج ديال نيوجيرسي باش يقول لشي دراري صغار كيلعبو تما أنهم يمشيو بحالهم حينت العاصفة جايا.

وهو نازل للبلاج ضرباتو الصاعقة، وواخا حاولات الخطيبة ديالو تعتقو إلا أنه وصل للسبيطار وهو ميت.