وكالات//

اتهم مغني الراب كاني ويست “عصابة كارداشيان”، وديزني، وهولو بتقييد القدرة ديالو على رعاية أولادو الأربعة من كيم كارداشيان، وقال إنه كيشعر  بحال “في الحبس”.

ف سلسلة ديال التغريدات عبر منصة “إكس” نهار السبت، تكلم ويست على المشاكل ديالو مع اتفاقية الأبوة المشتركة مع كارداشيان، وقال: “عندي مشاكل مع الناس لي جمدو ليا حسابي، وأخذو ولادي، وحاولو يسجنوني، والموضوع ما زال عالق. بغيت غير نشوف ولادي. أنا محتاج نربيهم”.

وأضاف الفائز بجائزة غرامي: “خصني نقول هاد الشي على ملابسهم المدرسية، وأصحابهم، والديور لي كينعسو فيها، حتى لو بناتي كيحطو حمرة الشفايف والعطور”، مشيرا إلى أن حقوقه الأبوية تم سلبها منه.

وقال كاني ويست، لي عندو 47 عام، أن رؤية ولادو: نورث 11 عام، وسينت 9 أعوام، وشيكاغو 7 أعوام، وسالم 5 أعوام، ولات بحال “زيارة للحبس”.