كود -وكالات//

علن المغني الأميركي كانيي ويست تأجيل الحفل ديالو لي كان غادار فـمدينة مرسيليا جنوب فرنسا، من بعد ما واجه رفض من السلطات المحلية والحكومة الفرنسية بسبب تصريحات معادية للسامية لي نتنسبات ليه فالفترة الأخيرة.

القرار جا مورا الصداع فالأوساط السياسية والإعلامية ففرنسا، حيث بزاف ديال المسؤولين عبّرو على رفضهم لاستضافة الفنان وسط المدينة، واعتبرو أن تصريحاتو فيها خطاب كراهية وما كتمثلش قيم التعايش ،رئيس بلدية مرسيليا حتى هو خرج بتصريح كيقول فيه أنه ما باغيش المدينة تولّي “واجهة للكراهية”.

من جهة أخرى وزير الداخلية الفرنسي أكد أنه “مصمم” على منع إقامة الحفل، الشي لي زاد الضغط على المنظمين، وكانت حتى بريطانيا سبق لها منعاو ويست من دخول أراضيها لنفس الأسباب، الشي لي خلا حفل كبير يتلغا فمهرجان لندن.

فالمقابل، هولندا مازال ما قرراتش تمنع حفلاتو  وكتشوف أن أي قرار خاص بالمنع خاصو يكون مرتبط بتهديد فعلي للأمن العام،
القضية فيها حتى تعقيدات فمسيرة كانييه ويست الفنية خصوصاً بعد  أغنية خرجات منو كتمجد  للنازية الشي لي خلا صورتو العامة تتأثر بشكل كبير عالمياً.