الرئيسية > كود-تيفي > كانيي ويست من بعدما طلق هو وكيم كاردشيان: عام هادا وأنا كنحس براسي بحال الميت بلا حياة بلا والو! – فيديو
29/06/2022 05:00 كود-تيفي

كانيي ويست من بعدما طلق هو وكيم كاردشيان: عام هادا وأنا كنحس براسي بحال الميت بلا حياة بلا والو! – فيديو

كانيي ويست من بعدما طلق هو وكيم كاردشيان: عام هادا وأنا كنحس براسي بحال الميت بلا حياة بلا والو! – فيديو

وكالات //

لأول مرة من نهار فراقو مع نجمة تلفزيون الواقع كيم كاردشيان، بان الرابور الميريكاني كانيي ويست بشكل رسمي فحفل جوائز “BET” لتكريم الرابور ديدي او پاف ديدي سابقا، وكان مغطي كامل وماكيبان والو من وجهو أو الجسد ديالو.

كانيي قال أنه فالعام اللي فات كان كيحس براسو بحال الميت بلا حياة بلا إحساس، وهو العام اللي طلق فيه هو وكيم كاردشيان.

ومن بعد بعض “البسالات” من كانيي ويست اللي بقا كيبرزط كيم بزاف من بعد طلاقهم، يبدو أن القضية دبا تكالمات وبللي كانيي فهم أن “اللي فات مات” بلا ما يصدع راسو ويصدع معاه ناس آخرين، وهكذا كل واحد شاد تيقارو دبا ومابقاش الصداع بيناتهم، وولا المهم عندهم هوما ولادهم.

وهاد الخرجة العجيبة ديال  كانيي ويست وبالديسكور اللي دار فوكَ لاسين، تعاطفو معاه المعجبين وعدد من المتتبعين فمواقع التواصل الاجتماعي ودافعو عليه فوجه “الشائعات” اللي كتروج بللي صافي مات ليه الحوت وبدا كيخرف.

موضوعات أخرى

07/08/2022 19:30

البي جي دي مع الجزائر ضد المغرب.. بجوجهم هزو مدافعهم ضد الملك محمد السادس بصفتو رئيس لجنة القدس على أحداث غزة: كيفاش الاخوان المسلمين فالمغرب ولاو كيضربو ففموقف الدبلوماسية