وكالات//

تعرض مغني الراب كانييه ويست لضغوط مالية كبيرة بسبب التصرف “الجريء” لمراتو، عارضة الأزياء الأسترالية، اللي جذبات الانتباه في ظهورها عارية على السجادة الحمراء.

وواخا كانييه ويست فخور بأن مراتو هي اللي تصدرت محركات البحث وتفوقت على جوائز غرامي، إلا أن هاد الحدث يمكن يسبب ليه خسارة كبيرة فصفقة.

حسب تقرير من موقع ديلي ميل النكليزي، بزاف ديال المستثمرين جابونيين كانوا متفقين مع ويست باش يديروا عرضين فـ قبة طوكيو.

كان متوقع أن العقد يكون قيمته 20 مليون دولار، ولكن التصرف المثير لبيانكا خلا المستثمرين ينسحبوا من المفاوضات.

وصرحت مصادر جابونية  بخصوص الموقف ديالهم: “كان المشهد صادم بشكل لا يصدق، وهذا خلا الناس يديرو رد فعل سلبي فاليابان”.

وزاد قالت المصادر: “المستثمرين مستائين بزاف، ومن المحتمل يسحبوا التمويل ديالهم من العروض اللي كان مخطط ليها”.