وكالات//

بارطاجاو بزاف ديال الناس في الساعات القليلة لي فاتت فيديوهات خايبة بزاف ومؤثرة ديال بزاف ديال النزلاء لي كانو نازلين في لوطيل لي تحرق في تركيا.

وعدد من هاد الناس ماتو بالصح في هاد الحريق وكاين منهم لي فلت منها بأعجوبة، وبيناتهم بزاف ديال الناس تعرضو لإصابات خطيرة.

وكيبان في الفيديوهات بزاف ديال الناس وهوما كيغوتو وكيطلبو من شي احد يعتقهم، في الوقت لي العافية كتاكل لوطيل لي ساكنين فيه.

وكانت السلطات ديال تركيا علنات في وقت سابق الموت ديال 78 واحد على الأقل في الكارثة، وشدو 9 ديال الناس من المسؤولين على لوطيل لي كاين في منتجع مشهور في غرب البلاد.