كود – كازا ///

قالت جريدة “إل فارو دي ثيوتا”، أن مصالح الحرس المدني ف مدينة مليلية فككات، مؤخرا، شبكة إجرامية متخصصة ف ترتيب “مارياج بلون” بين المهاجرين المغاربة والصبليونيات من أجل استخراج الوثائق اللي غادي تسمح ليهم باش يصوبو لوراق ديالهم.

وحسب الصحيفة ذاتها، تم اعتقال 4 ديال الأشخاص على خلفية التحقيقات فهاذ القضية، ومن بين المعتقلين مديرة شركة لخدمات الاستشارات، وتبين أن عندها سوابق إجرامية ف الزيجات الوهمية.

وبدات التحريات حول هاذ الريزو ف منتصف نونبر الفايت، من طرف وحدة مكافحة شبكات الهجرة غير الشرعية والتزوير واللي توصلات بمعطيات دقيقة عن زواج مصلحة محتمل.