وكالات//
خرجات كيت كاسيدي، صاحبة البريطاني ليام باين، الموسيقي في فرقة “وان ديريكشن”، لي مات بعدما طاح من الطروازيام اطاج ديال لوطيل لي كان فيه في الارجنتين، وهضرات على السبب ديال انها تفارقات معاه قبل يومين من الحادثة.
وقالت كاسيدي في تصريحات نقلها موقع Eonline، انها قررات انها ترجع من الارجنتين لميامي في ميريكان، بعدما دوزات تما شي يامات.
وقالت انها كانت مع ليام، ولكنه قرر في اخر لحظة انه يزيد جوج ديال السيمانات تما وهي الفكرة لي مابغاتهاش، وقررات ترجع لميريكان.
وأكدات انها ماوقع بيناتهم والو، يعني ماتخاصمو ماوالو، ولكن هي مكتبغيش تبقى فبلاصة وحدة فين تسافر.
ومزال السلطات ديال الارجنتين حالين اونكيط دابا باش يعرفو الملابسات ديال الموت التراجيدية ديال الموسيقي البريطاني.
