وكالات//

تصدرات نجمة هوليود المشهورة جينيفر أنيسون الحدث في الصحافة ديال ميريكان بسبب واحد الحادث وقع ليها في البلاصة لي كتصور فيها المسلسل الجديد ديالها.

وبارطاجاو بزاف ديال الناس واحد الفيديو كيبان فيه واحد الشخص كيرمي سائل كحل، كيبان أنه زيت، على أنيسون وهي غادية في موقع التصوير ديال المسلسل الجديد ديالها “ذا مورنينغ شو”.

ومن بعد تبين للجمهور ديالها والصحافة الميريكانية أن هاد القضية كانت حتى هي جزء من التصوير.

وقالو بزاف ديال الناس أن أنيسون قررات أنها تضحي باللبسة الواعرة لي كانت لابسة غير على ود هاد اللقطة.