كود – وكالات //

وثقت كاميرات المراقبة فـ ميريكان، فيديو كايبين مرا كاتحاول تضرب راجل بالطوموبيل مرات كثيرة، وسط الشارع.

وبانو، الرجل والمرا، اللي تقال عليهم فمواقع التواصل الاجتماعي أنهم مزوجين، كايدابزو وسط شارع فـ حي سكني، فـ بالتيمور بولاية ماريلاند الميريكانية.

وبان فالفيديو أن الرجل فاللول خرج شي حوايج من الكوفر ديال الطوموبيل اللي صايكَاها هي، ورماهم ليها على الأرض، قبل ما تقرر هيا تحاول تضربو بالطوموبيل، وهي راجعة مارش-أريير أو بالقدام، وهو فكل مرة كايهرب منها وكاتزكَلو.

ومن بعد محاولاتها الفاشلة، خرجات المرا وجرات مورا الراجل وحاولات تضربو، ونوضوها بونية بيناتهم، بعدها حاولو شي وحدين تما يفارقوهم.

https://www.youtube.com/watch?v=3mRRfWYYrbA