وكالات//

سالات مطاردة بوليسية فميريكان بواحد الطوموبيل اللي تقلبات من بعدما طلعات فواحد المنحدر فيه العشب، بلا ما تضربها شي طوموبيل ديال البوليس.

كلشي بدا ملي شافت البوليس ديال أوهايو واحد الجمس إنفوي كيجري بزاف فلوطوروت، وكي تجاوز السرعة القانونية. منين حاول البوليس يوقفو، السيدة اللي كانت كاتسوق ما بغاتش توقف، بل زادت فالسرعة وولات كاتبدل فالمسارات وكتراوغ.

من بعد خرجات من الطريق وطلعات منحدر فيه العشب فالجانب، ومنين رجعات للطريق بسرعة كبيرة، تقلبات الطوموبيل ديالها مرات حتى وقفات فوق السقف ديالها قدام واحد الكاميو ديال البوليس.

واحد النيرس اللي كانت دايزة من تما وقفات باش تعاونا وتعطيها الإسعافات، ولحسن الحظ ما تصابت غير بجروح خفيفة.

من بعد تبين أنها كانت سكرانة، والبوليس وجه ليها بزاف ديال التهم بحال السياقة وهي سكرانة، وعدم الامتثال، وزادو ربطوها بحادثة ديال “ضرب وهرب” اللي وقعات فنهار نفسو.

++