وكالات//

قال موقع “Voici” ان الملك تشارلز الثالث ومرتو وكاميلا باركر دارو زيارة رسمية لفرنسا نهار الأربعاء 20 سبتمبر.

واضاف الموقع الفرنسي ان إيمانويل وبريجيت ماكرون استقبلو الملك ومرتو ودارو برنامج ليهم فيه حفل فقوس النصر ودورة فشارع الشانزليزيه وحفلة عشاء رسمية ففرساي.

واشار ان بريجيت ماكرون تقلقات ومعجبهاش الحال من كاميلا اللي فرضات راسها وبدات كتتدخل فالصغيرة والكبيرة وفقصات بريجيت ماكرون حيث محاشاتوش ليها واي حاجة بغاتها كانت كتقولها لمينا رولينجز، سفيرة المملكة المتحدة عند فرنسا.

وزادو عصبوها منين الملك والملكة بغاو ينقصو من الناس اللي غيحضرو للحفل من 160 واحد ل 100، وبغات كاميلا تلغي الروج اللي بغاو يحطو فالعشا حيث هي ذواقة ومعجبهاش.

https://www.voici.fr/news-people/charles-iii-en-france-cette-demande-de-camilla-qui-aurait-rendu-brigitte-macron-furieuse-766408