أنس العمري – كود///

كاميرا الشعب جبدات شفارة جداد. وهاد المرة في قطاع الهرهورة، حيث وثق فيديو عملية كريساج خطيرة نفذوها جوج، فالساعات الأخيرة، تحت تهديد بسيف من الحجم الكبير.

وصور الفيديو مواطنين كانو راكبين طوموبيل. ووثقا عملية هروب المجرمين على متن دراجة نارية بعدما ارتبكوا جريمتهم، ولي ما ترددش أحدهم في إشهار سيف من الحجم الكبير في وجههما.

وكتظهر فالشريط ملامح هاد جوج الشفارة بوضوح، وقد تم تقاسمه على نطاق واسع في مواقع التواصل من أجل تسهيل تعرف جدرامية الهرهورة عليهم وإلقاء القبض عليهم.

دابا المواطنين دارو خدمة نقية، وبقات الكرة فملعب الجدارمية باش يجيبو هاد المجرمين ويوقفوهم قدام العدالة.