وكالات //
رئيس بلدية ديال نيويورك في ميريكان، إريك أدامز مشا للحدود ديال المكسيك، ودار خطاب قدام المهاجرين لي مجموعين باش يدوزو للميريكان، قال فيه أن البلدية ديالو ما غادي تستقبل حتى مهاجر.
أدامز لي منتمي للحزب الديمقراطي، انتقد إدارة الرئيس لي ديمقراطي حتى هو جو بايدن وقال ليه خاصك تتحمل المسؤولية ديالك باش تفك المشكل ديال المهاجرين لي معرمين في الحدود مع المسكيك.
هاد الزيارة للحدود هي سابقة وجات بعدما تكب عدد كبير ديال المهاجرين على ولاية نيويورك، وهادشي لي غادي يكلف الولاية جوج د لمليار الدولار، في الوقت لي كتواجه فيه عجز كبير ديال الميزانية.
