كود سبور//
عبر اسطورة البرازيل كافو ونجم السابق لميلان الطالياني، على الإعجابو ديال بالنجم المغربي اشرف حكيمي لاعب باريس سان جيرمان الفرنسي، واعتبرو واحد من احسن الاظهرة فالعالم.
وفحوار له مع موقع “win win” القطري، هضر كافو بطل كاس العالم 2002 مع البرازيل، على اشرف حكيمي اللي كايلعب فالبوسط فين كاين كايلعب حتى هو، وقال عليه: “بالنسبة ليا هو اليوم من أفضل وأعظم الأظهرة فالعالم”.
ووضح كافو وقال: “حكيمي ظهير كايهاجم وكايدافع وكايزيد للقدام، وكايماركي الاهداف، وما كايخافش يطلع يعاون الهجوم، ومتألق مع باريس سان جيرمان، ومتألق فگاع الماتشات اللي تفرجت فيه، وكان واعر مع انتر ميلان، وهذا الشي مخليه اليوم من العناصر الأساسية فـPSG، راه لاعب واعر”.
