كود – وكالات//

الفنان العراقي كاظم الساهر أكد فحوار إعلامي باللي غادي يبقى يغني حتى لآخر لحظة فحياتو، وقال بلي الفن بالنسبة ليه ماشي غير خدمة، ولكن رسالة وعمر كامل ما يقدرش يتخلى عليه.

وقال كاضم الساهر: «كنتمنى نبقى نغني حتى لآخر لحظة فحياتي ومكرهتش نموت فوق خشبة المسرح»، كيف وضح بلي الغنا ولى جزء من شخصيتو وهويتو الفنية، وغادي يبقا يقدم أعمالو مادام قادر يوقف قدام الجمهور ديالو.

كيف ما بين تفاصيل مؤثرة من طفولتو، وقال بلي تزاد فعائلة عاشت ظروف صعيبة وفقر وتحديات كبيرة، ولكن هاد التجارب هي اللي صنعات شخصيتو وزرعات فيه روح التحدي والإصرار.

وضاف: «تزادت فظروف صعيبة، ونقدر نقول باللي خرجت من وسط المعاناة، ولكن كان عندي من صغري طموح كبير وإرادة باش نتحمل المسؤولية ونبدل الواقع ديالي».

وأكد كاضم الساهر أن الإحساس بالمسؤولية رافقو من الصغر، وأن الصعوبات اللي عاشها ساهمات بشكل كبير فتكوين شخصيتو الفنية والإنسانية.

وفجزء آخر من الحوار، قال بلي دابا كايعيش مرحلة ديال راحة نفسية وسلام داخلي، بعد سنوات طويلة من العمل والتجارب المختلفة فالحياة والفن.