كود سبور//

خطف فريق الوداد الرياضي التأهل إلى ثمن نهائي كأس العرش، بعدما ربح اليوم الجمعة فتيران العربي الزاولي الضيف ديالو الفتح الرياضي، ضمن دور سدس عشر نهائي المسابقة.

وسالا الماتش بين الوداد الرياضي والفتح الرياضي بنتيجة واحد لزيرو لمصلحة الفريق الأحمر، وبعدما كان فريق الفتح الأخطر فالشوط الاول بخلق عدد من الفرق من بينها كرة ضربت فالبارا، قدرو الوداد يماركيو هدف الرباح فالدقيقة 58 بواسطة محمد مفيد، ونجح الفريق الأحمر فالحفاظ على التقدم ديالو حتى سالا الماتش.

وبهذه النتيجة تأهل الوداد الرياضي إلى ثمن نهائي كاس العرش، أما الفتح الرياضي ودع المسابقة من سدس عشر النهائي.