گود سبور//

حسم الاتحاد الدولي لكرة القدم، فموعد كاس إفريقيا 2027، اللي تنظيمها مشترك بين كينيا وتنزانيا وأوگندا، وفاليدا توقيت إقامتها صيف 2027.

وأعلن الاتحاد الدولي لكرة القدم على لاجوندا ديال الماتش الدوليين لعامي 2026 و2027، وأكد موعد إقامة كأس إفريقيا 2027 من 19 يونيو 2027 حتى 17 يوليوز 2027.

وكايجي تأكيد الفيفا لموعد إقامة كاس افريقيا، بعد زيارة داروها وفد من الكاف السيمانا اللي فات لمسؤولين الدولة بثلاثة كينيا وتنزانيا وأوگندا، واللي اكدو انهم ملتزمين بإقامة البطولة صيف 2027، بعدما كانت شكوك فجاهزيتهم.