وكالات //

طورو مجموعة من العلماء أول برنامج ديال الذكاء الاصطناعي كيقرا الأفكار، وكيحول الموجات الدماغية لكلمات، وهادشي كامل بواحد الكاسك كتديرو ف راسك.

هاد التقنية الثورية الجديدة ابتاكروها مجموعة ديال الباحثين في جامعة سيدني ف استراليا، وكيقولو أنها غادي تدير ثورة حقيقية بالنسبة للناس لي مراض بأمراض دماغية ولا الشلل.

ونشر الجورنال ديال “ديلي ميل” فيديو ديال هاد الاختراع الجديد ولي كيبين كيفاش كيحول الأفكار لكلمات بواحد الدقة كتصدم.

كيقولو العلماء أن درجة الدقة في الترجمة ديال داكشي لي كيقولو للدماغ لكلمات وصلات لـ90 فالمية.

وهادي تكنولوجية متطورة بزاف، حيت التكنولوجية لي فاتت كانت عبارة على واحد العملية جراحية كتدار للدماغ كيديرو فيها أقطاب كهربائية، وهي التجربة لي بداتها Neuralink  ديالا أيلون ماسك.