الرئيسية > آش واقع > كازا.. 4800 قرقوبية تحجزات فجوج عمليات أمنية فنهار واحد وها التفاصيل – تصويرة
23/06/2022 22:20 آش واقع

كازا.. 4800 قرقوبية تحجزات فجوج عمليات أمنية فنهار واحد وها التفاصيل – تصويرة

كازا.. 4800 قرقوبية تحجزات فجوج عمليات أمنية فنهار واحد وها التفاصيل – تصويرة

عمر المزين – كود //

تمكنات “لابيجي” فكازا بعد معلومات دقيقة وفرتها “الديستي”، البارح الخميس، من توقيف جوج أشخاص عندهم نفس العمر، 31 عام. هاد الموقوفين متورطين فقضية تتعلق بحيازة وترويج المخدرات والمؤثرات العقلية.

هاد الموقوفين قرقبو عليهم بتنسيق مع عناصر الجدارمية فمحطة الأداء للطريق السيار بمدخل مدينة فكازا، مباشرة بعد وصولهما على متن سيارة خفيفة كانت جاية من الشمال، حيث أسفرت عملية التفتيش المنجزة عن العثور بحوزتهما على 3900 قرص طبي مخدر من نوع “ريفوتريل”.

وفعملية أخرى، تمكنات “لابيجي” فمنطقة أمن سيدي البرنوصي فكازا، فنفس اليوم، من توقيف شخص مبحوث عنه على الصعيد الوطني. هاد الموقوفين متورط فقضية كتتعلق بحيازة وترويج المخدرات والمؤثرات العقلية.

الموقوف قرقبو عليه فمنطقة سيدي البرنوصي، وهو في حالة تلبس بحيازة وترويج المخدرات، حيث أسفرت عملية التفتيش المنجزة بداخل منزله عن حجز 900 قرص طبي مخدر من نوع ريفوتريل ونص كيلو من مخدر الشيرا، علاوة عن حجز مبلغ مالي يشتبه في كونه من متحصلات هذا النشاط الإجرامي.


جميع الموقوفين تدارو فالحراسة النظرية رهن إشارة البحث الذي تشرف عليه النيابة العامة المختصة، وذلك لتحديد باقي الامتدادات المحتملة لهذا النشاط الإجرامي، والكشف عن كافة الأفعال الإجرامية المنسوبة للمعني بالأمر.

موضوعات أخرى

24/06/2022 21:40

الأحرار دار بيان تحطات فيه النقاط على الحروف فأحداث مليلية الخطيرة.. تضامن مع الضحايا والجرحى وتنويه بمهنية القوات العمومية وتأكيد على الاعتزاز بالشراكة بين المغرب وإسبانيا

24/06/2022 20:00

فوقت الأزمة. لجنة إقليمية لقات 390 ليترو ديال الزيت بيريمي فدار الطالبة فالرحامنة.. المكتب المسير السابق خلاها فالسطوك حتى خسرات واللجنة حيداتها