كود كازا ////

سالى السبت حدث كيسمي راسو مهرجان وهو ما عندو علاقة بالمهرجان. كنهدر على “دجازا بلانكا”. واحد البيعة وشرية باسم الثقافة والفن. كتكون 3 ايام فكازا.

ما نهدروش على هاد النشاط التجاري ورغبة ماليه يجمعو لملاير ويديرو لاولاد لملايرية فكازا فين يقصرو ويدخلو مدينة مليونية فهاد البيعة والشرية٬ هادا موضوع اخر٬ نهدرو على كيفاش سلطات كازا ومدينة كازا كتدعمهم لوجيستيكيا وكتعبأ ليهم بزافت البوليس٬ وفاللخر كيديرو الاشهار للگارو

فهاد النشاط هيمنات “فيليب موريس” الشركة الامريكية على ليستاند اللي رجع هاد النشاط بحال شي مول ماشي نشاط ثقافي. شركة الكارو الميريكانية عطات فلوس كثيرة باش تاخد 4 ليستاند كيبيعو فيها الماركة ديالهم “ايكوس” =سيگاريت الكترونيك= وزادو واحد كبير كيجيبو لكليان بالماكلة.

اشهار الكارو ممنوع. شكون كيسوق لهاد الماركة وكيحتال على الصحافة وعلى البرلمان وعلى الثقافة باش يخلق ليه كليان جداد. شكون كيحمي هادو كيخليهم دايرين ما بغاو. عندهم اللي كيسوقهم وكيضحك على الصحافة. كلهم كيخرقو قانون منع اشهار التدخين وكلهم خاصهم يتحاسبو واولهم صحاب “دجازا بلانكا”