الرئيسية > آش واقع > كازا ولات بؤرة وبائية كبيرة.. اليوم تقاسو فيها 1800 فاقل من 24 ساعة
24/07/2021 21:30 آش واقع

كازا ولات بؤرة وبائية كبيرة.. اليوم تقاسو فيها 1800 فاقل من 24 ساعة

كازا ولات بؤرة وبائية كبيرة.. اليوم تقاسو فيها 1800 فاقل من 24 ساعة

عفراء علوي محمدي- كود//

أرقام كتخلع ديال الإصابة بكورونا سجلاتهم اليوم جهة كازا سطات، ولأول مرة هذ العام.

وتقاسو فالجهة فالطوطال 2494 واحد، 1810 منهم غير فكازا بوحدها.

بالنسبة للإصابات فباقي أقاليم الجهة، فتسجلو فالمحمدية  218، والنواصر 191، وبرشيد 81، والجديدة 67، ومديونة 40، ببنما تسجلات 33 إصابة فبنسليمان، و32 فسطات، و22 فسيدي بنور.

وماتو اليوم 4 ديال الناس فكازا بوحدها، وهي اكثر مدينة تسجلو فيها الوفيات هذ النهار.

ومن مدة طويلة ما عاودات المديرية الجهوية للصحة فالجهة دارت الحصيلة ديالها الوبائية اليومية، على خلاف أغلب المديريات الجهوية الأخرى، الشي اللي كيستحل معاه يعرفو المواطنين العمالات اللي منتشر فيهم المرض كثر ويزيدو يحتاطو.

وسبق لوزير الصحة قال، أمام مجلس النواب، أن كازا بوحدها فيها 50 فالمية من الإصابات اللي مسجلة فالمغرب، وبانو فيها إصابات بالمتحورين الفا وديلتا.

موضوعات أخرى

20/09/2021 18:00

هل هذا هو الجزاء الذي يستحقه الاتحاد الاشتراكي! كم أساء هذا الحزب لنفسه من أجلكم. وكم ضحى بسمعته. وفي النهاية تستكثرون عليه مشاركة في الحكومة