كود كازا///

البارح لثلاث 7 اكتوبر 2025 كانت الدورة العادية لمجلس مدينة الدار البيضاء وفيها وجهات لمدينة ضربة لوزير الثقافة والشباب والاتصال محمد مهدي بنسعيد. من النقاط اللي صادقات عليها النقطة 20 وفيها الغاء اتفاقية شراكة كانت بين جماعة كازا ووزارة الشباب والثقافة والتواصل كتهم استغلال مارشي كريو لقديم .

لكن فالنقطة الموالية كانت نقطة اخرى فيها كتعوض الاتفاقية السابقة. فيها باللي مجلس مدينة كازا مع وزارة بنسعيد ووزارة التربية الوطنية والتعليم الأولي والرياضة وشركة التنمية المحلية الدارالبيضاء للتهيئة يرجعو ليزاباطوار فضاْء للالعاب الالكترونية “الگايمين”.

الاستقلاليون اللي كيشكلو مع الاحرار والبام، الاغلبية فالمجلس، رفضو يصادقو على هاد الاتفاقية وطلبو فرصة للدراسة ليها.

طبعا فيها انتقام من مجلس مدينة هرب منها هاد الوزير معرضها الدولي الشهير للكتاب لمدينتو الرباط، الاستقلاليون دارو السياسة واستغلو احتجاجات جيل زد باش يرفضو وغلفوها بقضية دراسة الملف