الرئيسية > آش واقع > كازا كتريب. 3 ديال الديور طاحو دقة وحدة فالمدينة القديمة.. ومازال ضحايا تحت الردم – تصاور
27/01/2021 09:30 آش واقع

كازا كتريب. 3 ديال الديور طاحو دقة وحدة فالمدينة القديمة.. ومازال ضحايا تحت الردم – تصاور

كازا كتريب. 3 ديال الديور طاحو دقة وحدة فالمدينة القديمة.. ومازال ضحايا تحت الردم – تصاور

كود كازا//

طاحو هذ الصباح دالأربعاء 3 دالديور فالمدينة القديمة فكازا، ومازال بعض الناس لحد الساعة تحت الانقاض.

وحضرو السلطات المحلية وعناصر الوقاية المدنية اللي قدرو يعتقو ناس طاح عليهم الردم، تسافطو للسبيطار بكسور وجروح بليغة، فيحين كاينين مفقودين مازال البحث جاري عليهم، واحد الشاب من القاطني مأكدين أنه بقا تحت الحجر، حسب شهادات الناجين، وأشخاص خرين محتملين.

وفاللول مع جوايه الثمية طاحد دار وحدة، من بعد بدقائق قليلة تبعوها جوج ديور خرين مجاورين معاها، وكاملين مكونين من 3 دالطبقات، ومصنفين كديور آيلين للسقوط، لكن ساكنينهم ماليهم بطريقة غير قانونية.

وتزامن مع هذ الحادث احتجاج الساكنة ديال الديور الآيلة للسقوط فالمدينة، اللي طالبو السلطات بالتدخل العاجل لتويضهم، بحكم انهم إلى خواوها ماعندهم فين يمشيو.

وكان سبق لجوج ديور آيلين للسقوط طاحو فدرب مولاي الشريف فالحي المحمدي فكازا، بسبب الشتا القوية اللي عرفاتها المدينة قبل أسابيع.

موضوعات أخرى